阿來泰式地道風味

營業中

休息中

原來旺角都有幾正宗嘅泰式餐廳，正正就在先達對面的地舖，餐廳就咁望好似細細咁，但其實佢有兩層，都坐到幾多枱人，所以唔使等位就得啦。食物選擇都算多，有小食、主菜、粉面飯乜都有。海南雞飯：海南雞飯係完全冇骨，肉都好鮮嫩，好滑，而且隻雞唔肥，連雞皮都可以食得。油飯都整得幾好味，醬汁都好有泰式風味， 而且好大碟，食完都好飽。馬拉盞炒通菜：碟菜超級多，要兩個人先食得晒。呢個馬拉盞炒通菜辣辣地，好滋味。泰式小食拼盤：呢個拼盤一上枱就令我好surprise, 因為超大碟超豐富，上面有兩舊蝦餅、兩舊魚餅、兩條春卷、四隻雞翼，樣樣都炸得好好味，尤其係蝦餅同埋雞翼，係我嘅至愛。最後叫埋個椰青飲，好鮮甜，食完呢餐覺得好滿足。