蟹仙海鮮蒸氣鍋 (已結業)

今日放工約咗同事去試「蟹仙」海鮮私房蒸氣石鍋， 今日嘅蒸鍋真係勁「鮮」、勁「甜」同勁「好」食。 澳洲爆膏龍蝦， 大大隻， 蒸幾分鐘就食得， 開邊龍蝦超多膏， 仲要啖啖肉， 鮮甜無比！ 老闆話佢㨂嘅黃奄蟹係要隻隻都爆膏的， 仲要揀大隻， 所以特別重身， 又爆晒膏， 又大隻， 蟹鉗又好厚肉、 真係好好食， 超新鮮呀！ 又有我喜愛嘅鮑魚， 原來淸蒸都好好味， 鮑魚彈牙而不韌， 正呀。 貴妃蚌蒸完有啲汁， 我當湯飲。嘩！ 原來係精華，好鮮甜， 甜到難以形容， 蚌肉就彈牙嫩囗。 海蝦大大隻， 味道特鮮甜， 非常爽囗。 蟶子就肉質鮮嫩， 如果可以大隻啲就更加美味。 最後梗係要食番個「鮮」甜可口嘅靚粥啦，每啖粥都又鮮又甜，又好味道，真係精華所在。 原來餐後有個《椰汁官燕燉雪燕》做結尾，真係正！味道適中， 唔會太甜。 同事真係冇介紹錯， 「仙蟹」海鮮私房蒸氣石鍋，真係真材實料 ， 其實老闆係海鮮入口商， 海鮮係日日新鮮運到， 所以特別新鮮， 唔靚都唔要啦！ 服務態度仲好好添， 我哋大家都食得好開心，好滿足， 真係太好味啦！