古早牛肉麵 (已結業)

今次嚟到呢一間位於深水埗裝修非常有舊台灣風情嘅牛肉麵店，一入到去見到有台式茶飲店水吧。牆上面掛住唔同關於台灣人物事嘅畫作，裝修非常之別緻。唔知點解好多台式餐飲店都鍾意客人自己寫餐牌落單，旺角好出名嗰間阿木同埋呢間都一樣。不過都真係幾有效率。呢日5:00嚟到冇等咗唔使2分鐘嘢食就陸續上台。半筋半肉台灣麵先飲啖湯，湯底有少少麻香味，牛筋同埋牛肉嘅數量都多，牛筋非常淋非常入味。面嘅質地偏淋身。涼拌青瓜酸酸地幾開胃，不過同喺川菜嘅涼拌青瓜有啲唔同就係冇辣椒，所以唔辣。無糖烏龍茶健康消暑飲品。通常見到其他人有點佢嘅芋圓甜品，下次嚟都可以試吓。