勁回味

營業中

休息中

今日睇完演唱會，跳跳唱唱一輪後又肚餓了。由紅館慢慢行到尖東，見到一條長長嘅人龍！原來係想試多時嘅人氣手卷。小店內一人收銀一人製作，慢就慢啲但都值得一試，因為真係好足料。半板馬糞海膽手卷，一睇顏色就知好新鮮，店家會細心地問唔要內加芥辣，一啖咬落去海膽、海水、芥辣味道同時湧入，就係呢一啖已經值回票價，抵我排咗咁耐！另外三文魚腩都好好味，好少手卷食到底都仲有魚生架。不過冇耐性嘅真係唔好排，分分鐘排到你發老黎。