鳳城酒家 (已結業)

昨天去了聞名已久的旺角鳳城，一行７個大人，叫了個７－８人套餐再加。套餐有下列菜：乳豬併生腸叉燒－乳豬脆皮，生腸爽口，叉燒麻麻。金銀貝冬茸羹－有瑤柱帶子加冬瓜絲，幾清。　　家鄉桂魚卷－碟頭細，幾好味但唔夠食。脆皮雞－勁脆皮，有雞味，讚！鍋貼大明蝦－唔油，但唔特別。婆參扣鵝掌－婆參幾厚身，鵝掌略少，生菜底。甜品－紅豆沙，不太甜，幾好味。另外再加下列菜（因份量不夠食）：炸粉果－味道一般，粉皮略厚。楊州炒飯－炒飯乾身，唔錯。西米焗布甸－好大兜，有蓮蓉餡，熱食勁好味。埋單要HK$1200，唔平但可接受。侍應服務態度不錯。