哥哥添飯•妹妹泡茶

營業中

休息中

呢間台灣菜個鋪頭名好得意，食物同飲品方面都好出色，多選擇得黎份量又超級多，好抵食，下次要再黎試吓其他食物先得🍝麻辣肉筋麵配魯菜 $93個湯底非常之重花椒嘅味道，牛筋亦都非常之重膠質，牛肉採用牛腱肉非常軟熟同埋入味，而且仲有平時牛肉麵好少見到嘅蟲草花。🍗芥末炸雞配炸青椒配魯肉飯$108呢個價錢有四大嚿炸雞非常之抵食，每一舊都炸得好香脆，油而不膩，加埋個芥末醬好正，而且仲要包埋鹵肉飯，肉嘅份量超多而且夠晒肉汁送飯一流。🥤特選水果玫瑰花茶 $28水果茶唔使叫少甜都唔會太甜，入面有好多種生果，飲落去非常之解膩。🧋乳酪芝芝水蜜桃 $38同平時嘅芝士奶蓋好唔同，多咗乳酪嘅味道好特別，而且下面嘅水蜜桃飲落去都好清新，唔會太甜啱啱好。