影片
更多
2023-02-16
189 瀏覽
過去既情人節老公唔係香港，我樂得清閒終於呢一年唔洗諗點樣慶祝🤣今日走去機場接佢機，落機就話好肚餓要啦啦聲去食嘢，仲想食燒肉😳成大個東京咁多間燒肉店，你都唔去食？搵到青衣城有間日式燒肉店，驚遲仲要等位啦啦聲揸車過去💨7點鐘準時去到，好彩唔使等位咋，不過原來入到去都坐滿晒人分別有三個套餐，我哋就揀咗中價嘅松放題，都有成135樣嘢食㗎最貴嘅套餐有日本佐賀A4和牛架😻每個套餐都會送一個名為雪之燒肉盛嘅牛肉拼盤，松放題既拼盤入面都包含咗一款佐賀和牛比你試下出去睇吓雪櫃有啲咩嘢飲先，都有超過20種飲品可以揀，旁邊嘅雪櫃都仲有一啲前菜同埋新鮮沙律可以拎燒肉最緊要梗係個爐啦！好夠熱夠火力，基本上啲燒肉都燒得好快就熟，唔洗燒到天荒地老都未有得食老公最鍾意食牛舌，呢到牛舌竟然有厚切，仲要係好厚嗰種！呢個真係一大驚喜！海鮮有鹽燒牛油帶子同埋廣島蠔，兩款海鮮size絕不欺場，牛眼咁大粒嘅帶子同埋脹卜卜嘅廣島蠔😻仲叫咗牛油燒蒜頭，又比唔食蒜嘅老公話我係蒜頭怪🤪牛肉都有好多款選擇，基本上每款我哋都叫咗兩件嚟燒，肉味好濃，而且好有油花，滿足晒想食燒肉嘅老公🤤成日食放題都有個壞習慣，再去食得7788嘅時候走去食甜品🤣
搵到青衣城有間日式燒肉店，驚遲仲要等位啦啦聲揸車過去💨
7點鐘準時去到，好彩唔使等位咋，不過原來入到去都坐滿晒人
分別有三個套餐，我哋就揀咗中價嘅松放題，都有成135樣嘢食㗎
最貴嘅套餐有日本佐賀A4和牛架😻
每個套餐都會送一個名為雪之燒肉盛嘅牛肉拼盤，松放題既拼盤入面都包含咗一款佐賀和牛比你試下
出去睇吓雪櫃有啲咩嘢飲先，都有超過20種飲品可以揀，旁邊嘅雪櫃都仲有一啲前菜同埋新鮮沙律可以拎
燒肉最緊要梗係個爐啦！好夠熱夠火力，基本上啲燒肉都燒得好快就熟，唔洗燒到天荒地老都未有得食
老公最鍾意食牛舌，呢到牛舌竟然有厚切，仲要係好厚嗰種！呢個真係一大驚喜！
海鮮有鹽燒牛油帶子同埋廣島蠔，兩款海鮮size絕不欺場，牛眼咁大粒嘅帶子同埋脹卜卜嘅廣島蠔😻
仲叫咗牛油燒蒜頭，又比唔食蒜嘅老公話我係蒜頭怪🤪
牛肉都有好多款選擇，基本上每款我哋都叫咗兩件嚟燒，肉味好濃，而且好有油花，滿足晒想食燒肉嘅老公🤤
成日食放題都有個壞習慣，再去食得7788嘅時候走去食甜品🤣然後食完甜品再繼續食，最後再食多轉甜品
所以佢老公繼續搏鬥緊嘅時候，我就鼠出去睇吓有咩甜品食
見到出面都有啲自家製嘅蛋糕仔同埋啫喱杯
最想食嘅就梗係雪條啦！4款都係明治嘅雪條嚟😻😻😻啱曬我啦
其實呢間餐廳除咗燒肉之外，都仲有火鍋
見到有兩大個食品區放咗唔同嘅火鍋配料，睇落都好吸引，下次有機會再過嚟試吓個火鍋先
埋單兩個人八百幾蚊，可以食到咁多唔同款式嘅牛同埋高質嘅海鮮，喪食佢啲厚燒牛舌都夠回本😻真係想下次再過嚟試吓佢個火鍋
張貼
