叄嵐日本燒鳥串燒居酒屋 (已結業)

今日去開銅鑼灣，就去食叄嵐居酒屋，去為一條小巷入面，裝修好有日本風味。呢度都有幾多嘢食，我哋叫咗燒菠蘿，燒雞翼，蒲燒鰻魚，芝士焗蠔，炸軟殼蟹同埋龍蝦海膽炒飯。燒菠蘿：個燒菠蘿好甜好多汁，都幾好味，係我食過咁多間燒菠蘿算係最出色嘅。燒雞翼：都幾惹味，而且肉質嫩滑，相當不錯。蒲燒鰻魚：佢係原條咁上，有勁多鰻魚汁，好夠味，而且佢條鰻魚好肥膩，勁厚身，真係極級好味。芝士焗蠔：隻蠔都幾大隻，配埋啲芝士，好夾，而且仲有好多汁，相當出色。炸軟殼蟹：兩隻完整嘅軟殼蟹，好多肉，但一人食一隻都覺得有啲膩。龍蝦海膽炒飯：個龍蝦係成隻上， 肉質彈牙，而且好鮮甜。 海膽炒飯都好香。我覺得呢間隱世居酒屋真係好好食，推介大家來時食下，同埋都幾抵食，人均消費大概$200。