一仟碗 (已結業)

完全無誇張，我真係好耐未試過食到咁興奮！尋日我在旺角搵o野食時入o左去呢間一千碗，我睇o左個餐牌好耐，都唔知有什麼好食，於是我就係咁「椅」叫o左碗炒鱔糊菜飯。臨入餐廳之前我係隔離馬健記買o左本書睇，諗住可能要用本書送飯。但不夠十五分鐘，就有人「砰」的一聲將一碗飯放在我檯面，我當堂被嚇得目瞪口呆，因為放在面前的，是一碗香噴噴的飯。鱔糊炒得好香好滑，配埋菜飯時，飯更將鱔糊的汁吸收，成碗飯由頭到尾都咁好味，好正好正！每一啖都咁有滿足感。我覺得直情可以用perfect 呢個字來形容。你如果喜歡食鱔糊的話，就千祈唔好錯過。