羅富記粥麵專家 (已結業)

今日過黎中環搵男朋友食個午飯，因為我唔係好舒服既關係，選擇左食粥。係中環食粥麵，梗係羅富記喇，有得食鯇魚皮喎！！加上男朋友又未食過，我地即刻決定左呢度。好彩我地早少少黎，坐低冇耐出面就排晒隊喇~第1件事問下仲有冇魚皮！哈哈哈哈~勁開心，之後我仲要左肉丸粥，同埋男朋友既腰肝撈麵。魚皮真係食極都唔嫌，佢有蔥絲同薑絲係面，再自己加上適量豉油同胡椒，撈混佢，將魚皮同薑蔥絲夾住一齊食。本身魚皮其實冇乜味，但加左少少豉油胡椒，帶出左個種鮮味，另外魚皮本身做到好爽脆，加埋薑蔥絲既香味，好味到不之得了。連平時唔太鐘意魚皮既男朋友都Lam Lam脷！嘻嘻～之後到個肉丸粥，好似好普通咁，但呢度既粥底好綿好滑，加上佢好豪爽既肉丸份量，哈哈哈哈。雖然比起細個爺爺做既肉丸粥冇咁彈牙好味，但佢已經算okay了，以份量取勝！最後我地一路食一路食，食到尾應該有1打！即係12粒肉丸呀，好彩男朋友幫我食啲，唔係真係食唔晒！