影片
更多
2006-04-19
6 瀏覽
夏日炎炎，無胃口食飯，所以決定食粉麵。行過呢帶，一直都知呢間店既存在，但總係無幫襯過。見到出面棟左個牌$20 一碗粉連飲品，就入左去啦。入去睇真d 餐牌，原來唔止，仲有甜品，之前仲以為係其中一樣，原來兩樣都有。最後叫左生牛肉湯河(轉左金邊粉) - 唔洗另加。飲品好彩問左一問，唔問既話我多數叫檸茶，點知聽到佢話檸樂，所以就叫左啦，仲要係唔洗另加。順口問句甜品係咩，佢話係什果撈。先黎的是凍檸樂- 咦...確實係細杯，見到入面有一堍青檸，未飲既時候，有d 擔心夠唔夠檸檬味，但原來一堍青檸都唔差得過3 塊檸檬，但青檸同檸檬既味道又真係有d 唔同既。可樂方面，都幾夠氣，但放得太多冰。再黎是生牛肉湯金邊粉- 上既時候，第一眼見到係湯底比預期中深色，飲左一啖湯，味道唔錯。而牛肉方面，上既時候大部分仍是生的，牛肉比較鞋，但有肉味，金邊粉好明顯係佢煮熟一pat 咁放落碗，撩左都好幾下先散開。但整體味道唔錯的。而個甜品，我食左兩啖就無食啦。首先，顏色方面係ok，但我一向對唔清楚既顏色來源反感，因為我唔鍾意食用色素，我會情願佢無色。食落唔知自己食緊乜，所以停了。我食果個甜品正正係3 號在01月23日內的圖片
入去睇真d 餐牌，原來唔止，仲有甜品，之前仲以為係其中一樣，原來兩樣都有。最後叫左生牛肉湯河(轉左金邊粉) - 唔洗另加。飲品好彩問左一問，唔問既話我多數叫檸茶，點知聽到佢話檸樂，所以就叫左啦，仲要係唔洗另加。順口問句甜品係咩，佢話係什果撈。
先黎的是凍檸樂- 咦...確實係細杯，見到入面有一堍青檸，未飲既時候，有d 擔心夠唔夠檸檬味，但原來一堍青檸都唔差得過3 塊檸檬，但青檸同檸檬既味道又真係有d 唔同既。可樂方面，都幾夠氣，但放得太多冰。
再黎是生牛肉湯金邊粉- 上既時候，第一眼見到係湯底比預期中深色，飲左一啖湯，味道唔錯。而牛肉方面，上既時候大部分仍是生的，牛肉比較鞋，但有肉味，金邊粉好明顯係佢煮熟一pat 咁放落碗，撩左都好幾下先散開。但整體味道唔錯的。
而個甜品，我食左兩啖就無食啦。首先，顏色方面係ok，但我一向對唔清楚既顏色來源反感，因為我唔鍾意食用色素，我會情願佢無色。食落唔知自己食緊乜，所以停了。我食果個甜品正正係3 號在01月23日內的圖片一樣，可去看看。
張貼