靚煲皇 (已結業)

千年老友搵地方吹水聚聚，要有電視睇，要有好野食，要抵食，仲要有地方俾我地「BleiBahLa」吹水。老友推介落旺角「靚煲皇」，係旺角地鐵朗豪坊直踩就到，啱哂我呢啲路盲港島人。今餐老友聚聚，點左精算小菜俾我地可以齊飲酒作樂花膠粟米羹綿綿粟米羹配上彈牙花膠⋯ 爽口經典黃金炸大腸 堅係脆卜卜，外脆內煙韌。仲有菠蘿🍍係底去膩感。最重要無大腸個陣內臓味！呢個好考師父功力又要洗得條腸乾淨！有舊式粵功夫菜功力！ 凍食滷水併盤（鵝掌、豬手、雞腎）唔係豉色滷水 ， 凍食潮式滷味風味無窮。呢個配清涼啤酒🍻簡直一流。少爺咕嚕肉咕嚕肉好嫩口多汁，「啖啖肉、小鮮肉」深海龍躉頭腩從未試咁多骨膠原，口感爽脆，蔥爆惹味招牌小炒皇足料！有齊腰果、蝦米、炸芋絲、白飯魚、韮菜組合而成小炒皇。最難得韮菜鮮嫩無渣。最後以鮮甜大樹菠蘿完美結束環境地方唔算大，但一應俱齊，有WiFi, 每張枱配有多個USB插頭，仲有兩陪大電視surround sound , 睇波一流！