影片
更多
2018-12-17
455 瀏覽
今日入到黎元朗同朋友食飯想食好啲，行過見到有隻好大隻嘅蟹係間鋪頭前面，好吸晴咁，再睇埋個餐牌見到好似都幾吸引就入咗去試一入到去呢老闆娘就好熱情咁介紹餐牌 原來呢老闆娘係做海鮮批發所以先可以拎到咁靚嘅同咁多膏嘅蟹 佢話每一隻蟹都會揀過確保係會有好多膏！我同朋友就叫咗$398位共10款嘅套餐淨係蟹都有三款好彩有老闆娘介紹先至識分有啲咩分別。罕有王高肉蟹啲蟹膏係比較實啲嘅；越南頂角高蟹係多膏同啲膏會流心既；菲律賓大黃奄嘅比較多肉地；呢度仲可以半隻半隻咁叫，我朋友鍾意食實心嘅膏，我就鍾意食流心既膏，咁樣叫啱啱好！估唔到蟹膏真係同相一樣咁多，仲要好香，蟹肉都好新鮮好嫩，果然係招牌菜啊！係出面真係好難買到咁多蟹膏既蟹！套餐上面嘅賴尿蝦同埋琵琶龍蝦都可以各選一但係朋友怕剝殼所以叫咗象拔蚌刺身。後尾先發現原來佢係會幫你剪埋賴尿蝦嘅殼防止你整親，真係好貼心啊！到澳洲青年龍蝦，龍蝦汁好鮮甜，啲肉好爽口同埋都係好多膏， 真係成個殻啜哂，同酒樓龍蝦伊麵啲龍蝦差天共地！另外值得一提就係紐西蘭青口，食之前侍應同我講佢都好鍾意食依到既青口，話同普通出邊嗰啲真係好唔同。食完發覺真係完全唔鞋口，同出面又硬又細粒又鞋完全
一入到去呢老闆娘就好熱情咁介紹餐牌
原來呢老闆娘係做海鮮批發所以先可以拎到咁靚嘅同咁多膏嘅蟹 佢話每一隻蟹都會揀過確保係會有好多膏！我同朋友就叫咗$398位共10款嘅套餐
淨係蟹都有三款好彩有老闆娘介紹先至識分有啲咩分別。罕有王高肉蟹啲蟹膏係比較實啲嘅；越南頂角高蟹係多膏同啲膏會流心既
；菲律賓大黃奄嘅比較多肉地；呢度仲可以半隻半隻咁叫，我朋友鍾意食實心嘅膏，我就鍾意食流心既膏，咁樣叫啱啱好！
估唔到蟹膏真係同相一樣咁多，仲要好香，蟹肉都好新鮮好嫩，果然係招牌菜啊！係出面真係好難買到咁多蟹膏既蟹！
套餐上面嘅賴尿蝦同埋琵琶龍蝦都可以各選一但係朋友怕剝殼所以叫咗象拔蚌刺身。後尾先發現原來佢係會幫你剪埋賴尿蝦嘅殼防止你整親，真係好貼心啊！
到澳洲青年龍蝦，龍蝦汁好鮮甜，啲肉好爽口同埋都係好多膏， 真係成個殻啜哂，同酒樓龍蝦伊麵啲龍蝦差天共地！
另外值得一提就係紐西蘭青口，食之前侍應同我講佢都好鍾意食依到既青口，話同普通出邊嗰啲真係好唔同。食完發覺真係完全唔鞋口，同出面又硬又細粒又鞋完全唔同
深海龍躉投籃都都好有驚喜，魚皮好厚好好味
蒸氣石鍋海鮮嘅精髓梗係鍋底粥啦，老闆娘拎咗啲蘿蔔粒同埋啲蔥花俾我哋，再加埋少少鹽同胡椒粉去食，真係好鮮甜！！成個蒸氣火鍋嘅精華就係曬到，我個朋友都忍唔住食咗四碗啦。
最後老闆娘仲送咗椰汁官燕俾我哋食，都唔錯
值得一題係呢間鋪頭嘅服務，全程都唔使自己落手搞，有侍應全程會幫你睇住你嘅進度放啲海鮮落去個鍋入邊蒸，服務一流。三五知己慢慢食飯，依到真係高度推薦！BTW,聽到遲黎既隔離枱想嗌有啲海鮮已經冇晒，所以真係要訂位留想食既海鮮！
張貼
