聚福樓 (已結業)

想輕輕鬆鬆食返餐，小編有好介紹！就係屯門嘅聚福樓啦，睇名以為係茶樓？唔係喎，其實係一間Lounge嚟。事源店主岳父曾經喺澳洲開過一間餐館叫做，加埋做英文名夠晒大反差，又突顯到小店大玩Fusion嘅特色！店外嘅一棵大樹係佢地嘅標記，好多人嚟到都會打一打卡先㗎。香港人飲食習慣都係偏向多肉少菜，就咁食個沙律已經算健康。不過呢個沙律將健康升多級，有埋杞子、藜麥、燕麥等等多種健康食材，仲配埋乳酪比你添！甜甜嘅炸蕃薯條，本身已經夠晒得人鍾意，再加埋廚師特別調製嘅芝士醬，香草同杏仁，食落加倍脆口同惹味！自家製雜莓醬配埋鬆軟窩夫，再加埋人氣Mövenpick焦糖雪糕，幾樣野交織埋一齊，真係甜到入心。