影片
更多
2022-05-27
22 瀏覽
維の味居酒屋 🏮呢期食串燒食上隱🍢，今日就去左試長沙灣呢間居酒屋，地鐵站行過去都係5分鐘 好方便!!一入到去，環境好日式，雖然地方唔算好大，但老闆同老闆娘都好熱情 又熱誠，好有歸屬感～☺️一坐底冇幾耐，老闆娘話請我地食鱈魚棒，係愛呀❤️仲要好脆好好味，配埋我最愛既沙律醬，簡直係將成件事昇華👍🏼嗌左好多唔同種類串燒…牛舌心、蒜蓉燒扇貝、雞芯、開邊雞中翼、金菇肥牛卷、燒汁魷魚鬚、燒黑豚腩、明太子雞翼、萵筍…🍢全部都可以揀辣度，我揀左小辣！🌶有幾款特別好食好想分享😍😍😍蒜蓉燒扇貝⚪️扇貝真係好出色💯上面鋪滿晒炸到黃金色既蒜蓉🧅一啖放入口慢慢咬開，成個味蕾充斥住蒜蓉同埋扇貝既交集～太感動！可以食到咁出色既蒜蓉燒扇貝🥹明太子雞翼🍗去左骨就係基本啦，最出色係明太子份量多，塞滿左成隻雞翼，加上揀左小辣，吊左出黎既香味好正👍🏼金菇肥牛卷🥩其實每件串燒都好夠熱度，金菇肥牛卷都唔例外，老闆即燒即上碟拎出黎，熱辣辣好好食！牛入口即溶咁，金菇掛埋d燒汁特別爽口同入味😋牛舌芯👅上菜果陣以為普通厚切牛舌，點知原來係更加少有的牛舌芯！😱一咬已經係爽脆爆汁，有咬口但不至於咬唔開，控火精準，絕對要點💯雞芯🐔現時好難有地方食到
呢期食串燒食上隱🍢，今日就去左試長沙灣呢間居酒屋，地鐵站行過去都係5分鐘 好方便!!
一入到去，環境好日式，雖然地方唔算好大，但老闆同老闆娘都好熱情 又熱誠，好有歸屬感～☺️
一坐底冇幾耐，老闆娘話請我地食鱈魚棒，係愛呀❤️仲要好脆好好味，配埋我最愛既沙律醬，簡直係將成件事昇華👍🏼
嗌左好多唔同種類串燒…牛舌心、蒜蓉燒扇貝、雞芯、開邊雞中翼、金菇肥牛卷、燒汁魷魚鬚、燒黑豚腩、明太子雞翼、萵筍…🍢
全部都可以揀辣度，我揀左小辣！🌶
有幾款特別好食好想分享😍😍😍
蒜蓉燒扇貝⚪️
扇貝真係好出色💯上面鋪滿晒炸到黃金色既蒜蓉🧅一啖放入口慢慢咬開，成個味蕾充斥住蒜蓉同埋扇貝既交集～太感動！可以食到咁出色既蒜蓉燒扇貝🥹
明太子雞翼🍗
去左骨就係基本啦，最出色係明太子份量多，塞滿左成隻雞翼，加上揀左小辣，吊左出黎既香味好正👍🏼
金菇肥牛卷🥩
其實每件串燒都好夠熱度，金菇肥牛卷都唔例外，老闆即燒即上碟拎出黎，熱辣辣好好食！牛入口即溶咁，金菇掛埋d燒汁特別爽口同入味😋
牛舌芯👅
上菜果陣以為普通厚切牛舌，點知原來係更加少有的牛舌芯！😱一咬已經係爽脆爆汁，有咬口但不至於咬唔開，控火精準，絕對要點💯
雞芯🐔
現時好難有地方食到，呢間唔止有，仲要好味😋，雞芯一向缺點都係腥同韌，但呢間可能師傅技術好，確係唔韌👍，而且用七味粉同辣粉調味，確係香！
飲品🍹
我同朋友點左津路同波子氣水🍹另外見到有酒既menu🥃🍸🍾，可惜我唔太好酒，鍾意飲酒既朋友可以嗌黎試下！😃
仲有…老闆燒好晒比我地食之後會主動親自出黎同我地乾杯🍻問下我地對食物既味道～真係小店先會有既交流 食既唔只係食物既味道，仲食到人情味👍🏼👍🏼👍🏼好值得推介！💯💯💯
維の味居酒屋 (長沙灣)
長沙灣順寧道98號美寧中心地下A8號舖
張貼
