圃鍋 (已結業)

今日同朋友去食打邊爐，我地搵左一間喺灣仔既餐廳打邊爐，呢間餐廳既裝修好有中國風，古色古香！另外，坐位非常獨立，可以好好咁同朋友傾計。一坐低就送上呢個勁好味既溫泉蛋！湯底方面，我地揀左龍蝦海鮮鍋，呢個海鮮鍋有酸辣湯底或者北海道3.6牛乳湯底揀，牛乳湯底要早一日預訂。今次就揀左酸辣湯底，有好大碟既海鮮另上，龍蝦超大隻，而且好鮮甜！另外，我地點左個特色和牛拼盤，和牛有豐富既雪花紋，肉味濃郁，滾幾下就可以食。呢個拼盤唔單止好食，個擺盤仲好靚好有氣勢啊！其他火鍋料都好正架，最後仲送左個甜品！