麺屋武蔵二天 (已結業)

因為一段時間冇得去旅行，但係又好想食正宗日本拉麵，咁就去咗【麺屋武蔵二天 】食。今次因為係外賣自取，所以揀咗二天沾汁麵-濃厚豚骨、日月沾汁麵-魚介醬油、吉列廣島蠔同埋芝士海老魷魚卷，仲有汽水兩罐。🥰二天沾汁麵嘅炸豬扒炸得超級惹味，表面仲有黑白芝麻令到豬扒更香，帶出更高層次，而炸雞件就外脆內軟，入面好juicy超多肉汁。😋日月沾汁麵嘅炸蝦同埋炸魷魚件就超新鮮，好有海鮮嘅味道。😋另外兩個沾麵都有一隻糖心溫泉蛋，撈埋醬汁食一流，而主角沾麵非常煙韌彈牙，襯托唔同嘅沾汁就帶出曬所有日本原味道。😋吉列廣島蠔超大隻又鬆脆，鍾意食蠔嘅朋友一定唔可能錯過。另外值得推介係芝士海老魷魚卷，比較特別入面鋪有滿滿嘅魷魚味道，而且濃濃嘅芝士入口即融超好味！😋