川舫 (嘉湖新北江商場一期)

營業中

休息中

今日去開大西北，朋友就帶左我去天水圍既一間川菜小店食飯。聽聞呢間鋪新開無耐，而且位置係商場地下既一個小角，都有少少難搵。菜式唔算好多，但好多款我都有興趣，今次就揀左酸菜炒牛肉同檸檬手撕雞先試試佢。檸檬手撕雞真係好適合咁熱既天氣食，酸酸辣辣，又係涼拌小菜，食落清新又開胃。雞絲都算幾滑，又有咬口有彈性。酸菜炒牛肉份量都唔少，好適合愛食酸菜既人。牛肉食得出無落鬆肉粉，有牛味又好食。因為落左唔少酸菜，所以會有啲咸，但咁樣真係超好送飯～另外仲有啲尖椒係入面，真係超正！最值得讚既係佢完全唔會好多油。平時食川菜既小炒，最怕就係食到底全部都係油浸住哂，而呢到係完全唔會有呢個問題！