百味 (已結業)

今日喺銅鑼灣行街，見到間又有四川菜同中菜嘅餐廳，門口d相好吸引，好大張酸菜魚相，應該係佢地招牌菜，所以就決定入去試吓。酸菜鱸魚，可以選擇1-2人份量，我地叫咗呢個size,上枱時份量都唔細，有好多厚切魚片，魚肉好嫩滑，一d腥味都冇，，而且仲有好多配菜吸湯汁，大量酸菜，大豆牙，薯粉，雲耳，個湯酸酸辣辣好醒胃。魔鬼牛雜，炆得好淋好入味，雖然叫魔鬼，但唔係好辣，叫有菜墊底，吸晒d牛雜同汁嘅味道。三杯雞煲，上枱時咋咋聲，熱辣辣，一開煲蓋，d香味撲鼻，d雞鋪滿晒d惹味醬汁，好有台灣風味。山楂咕嚕肉，d肉外皮炸到脆卜卜，d汁又唔會整淋d脆皮，個汁酸甜適中，好開胃。