龍門一番 上海·紫砂燉湯 (已結業)

魔鬼天使小籠包，有黑色同白色2隻比佢吸引住，又見係佢地招牌菜，所以叫黎試吓，黑色皮果款上面有海膽而涵除咗肉之外仲有係黑蒜肉，食落都幾特別，黑蒜肉甜甜地，又幾夾，而白色果款上面有魚子醬而入面有帶子粒，食落好爽口，2款小籠包都勁多湯汁，好juicy。上海春卷，即叫即炸，非常香脆，入面有蔬菜絲做材料，食落完全唔油膩。九里香烤餅，似生煎包，但唔油膩，因為佢個皮係烤而唔係煎，入面肉涵都好多韮菜，都幾juicy。蟹粉炒飯，賣相非常靚，上面一層全部都係蟹粉，而炒飯入面加咗菜粒，增加爽口度，d蟹粉好甘香。水煮牛肉，d牛肉份量都好多，好滑完全唔鞋，入面仲有薯仔，薯粉，金菇做配菜，個水煮汁都唔錯，唔算太辣，d材料吸收晒d汁，好惹味。泡蓮藕苗爆豬肚，蓮藕苗我都未食過，原來係勁細條嘅蓮藕bb,食落好爽口，有酸酸地嘅味道，而配豬肚一齊食，口感好好，豬肚嘅份量真係好多，都幾抵食。