味房居食屋 (已結業)

今晚同老婆去試和牛放題, 由於之前啲食評話和牛嘅野食出得好慢, 所以我哋一開始就點晒和牛火灼壽司, 煮和牛尾, 和牛沙律, 和牛卷, 炭燒和牛粒, 和牛時雨煮. 雖然啲野唔算出得好快, 但起碼無漏單. 不過, 和牛卷由7:30pm開始就停止供應, 真係好唔夠喉囉!我哋食得最多嘅係和牛火灼壽司同和牛時雨煮, 因為比較嫩同好味! 總括嚟講, 今餐都算滿意, 值得推介!