影片
更多
2022-10-24
226 瀏覽
之前已經聽過Lost Stars 嘅大名，知道佢哋不時都有livehouse 表演。雖然我哋去果日無演出，但個環境咁暗，而每一檯都放咗玫瑰花同蠟燭，夠晒浪漫，亦都好適合靜靜地談心❤️我哋去嗰日係10月嘅第三個星期，所以就叫咗Menu上面Week 3嘅晚市套餐，包括餐湯、主菜同一杯無酒精飲品🍹🐟香煎比目魚柳 $268雖然影出嚟個比目魚柳又灰(魚皮)又黑(提子乾)，但入口絕對比賣相中出色。比目魚柳肉質嫩滑，唔會煎到必曬啲油出嚟。另外配上華爾夫沙律，有合桃、提子乾、蘋果等等，中和返煎魚柳嘅油膩感👍🏻🐃紅酒香草燉羊膝 $398薯蓉好軟滑，配菜例如青瓜、意大利小黃瓜、甘筍等等都唔會煮到好淡味，仍然保持原有嘅鮮甜。主角羊膝不但唔會好騷，而且仲好入味，有紅酒同香草嘅香味，肉質軟嫩，用刀叉都可以好容易咁將啲肉撕開😋🍳法式焦糖燉蛋 $138法式焦糖燉蛋係呢度好出名嘅甜品，所以點咗一份嚟試。原來佢哋嘅焦糖燉蛋都有一個飯碗咁大，兩個人share絕對夠喉。燉蛋同雪糕都好香滑，絕對能為客人嘅晚餐畫上一個完美嘅句號。🌹La Vie En Rose 蘋果 玫瑰草 玫瑰花瓣 紅茶呢杯餐茶比想像中好飲，有少少玫瑰花嘅酸，
我哋去嗰日係10月嘅第三個星期，所以就叫咗Menu上面Week 3嘅晚市套餐，包括餐湯、主菜同一杯無酒精飲品🍹
🐟香煎比目魚柳 $268
雖然影出嚟個比目魚柳又灰(魚皮)又黑(提子乾)，但入口絕對比賣相中出色。比目魚柳肉質嫩滑，唔會煎到必曬啲油出嚟。另外配上華爾夫沙律，有合桃、提子乾、蘋果等等，中和返煎魚柳嘅油膩感👍🏻
🐃紅酒香草燉羊膝 $398
薯蓉好軟滑，配菜例如青瓜、意大利小黃瓜、甘筍等等都唔會煮到好淡味，仍然保持原有嘅鮮甜。主角羊膝不但唔會好騷，而且仲好入味，有紅酒同香草嘅香味，肉質軟嫩，用刀叉都可以好容易咁將啲肉撕開😋
🍳法式焦糖燉蛋 $138
法式焦糖燉蛋係呢度好出名嘅甜品，所以點咗一份嚟試。原來佢哋嘅焦糖燉蛋都有一個飯碗咁大，兩個人share絕對夠喉。燉蛋同雪糕都好香滑，絕對能為客人嘅晚餐畫上一個完美嘅句號。
🌹La Vie En Rose 蘋果 玫瑰草 玫瑰花瓣 紅茶
呢杯餐茶比想像中好飲，有少少玫瑰花嘅酸，非常開胃。唔喜歡玫瑰花嘅朋友，就可以選擇其他茶類，比如洋甘菊花茶、有機綠茶同埋薄荷茶等等🫖
🥒Happy $108
呢杯mocktail 用咗荔枝、青瓜、西柚、tonic water，味道清新，但賣相唔算特別。如果想打卡嘅話，就唔建議揀佢啦🙈
張貼
