Bacchus (已結業)

今晚同老婆放工去撐枱腳，搵左間位於銅鑼灣的西餐廳，餐廳散發着浪漫的氣氛，因為枱頭燈以及背景燈光已令人好有feel☺️，坐位也好非常優雅👍🏻拍拖真係一流😊。頭盤是胡麻清酒炙吞拿魚，魚肉厚身配上芝麻香口，配搭不錯。另一個頭盤是夏日風情鵝肝多士，鵝肝份量都幾多，配上脆口多士😋。主菜來了，慢煮法國黃油雞，應該係慢煮嘅方式，所以令到雞肉好嫩滑，而且雞味仲好濃厚👏🏻。另一個主菜是牛油果蟹肉忌廉寬條麵，這個色香味俱全，蟹肉好新鮮，牛油果配寬條麵感覺好清新，但有忌廉食落濕濕口，口感變得好豐富，配搭一流👏🏻👏🏻。到甜品啦，通常都係女士之愛🤣，檸檬撻配上新鮮生果，再加上雪葩，賣相已經好吸引，我老婆超鍾意🤣🤣。大滿足。