閨蜜x沐牧農場 (已結業)

今日因工作需要黎到附近LUNCH，聽同事講依到開左間新既飲品店，見裡面都有啲小食，就決定入黎試下啦。有別於一般既飲品店，依到都幾張枱比人坐下，環境都幾舒服同老闆娘傾開計，佢話閏蜜個蜜其實係蜜糖個蜜咁解，所以依到好多野都係用勁滋潤既蜂蜜去整，好有心思！飲品店裡面不論野飲同食物既選擇其實都算多，一杯野飲加一個小食，做個下午茶或者light lunch黎講份量岩岩好今日我就試先玫瑰奶蓋配玫瑰鐵觀音，一見到個陣＂哇＂左一聲，因為真係好少女心好靚而且飲落去啲奶蓋好滑，一啲都唔甜，同鐵觀音一齊勁match。之後仲嗌多左個蜜糖法包，法包加熱過暖暖地咁，上面既蜜糖亦都係啲蜂蜜黎既，初頭以為咁食會好奇怪，點知食落都唔會太甜同太漏。今次仲見到依個舖好特別咁有啲排毒茶，下次再黎試下先