火舞町 (已結業)

今日同同事去黃埔做嘢，做完已經到lunch hour，咁梗係食埋飯先返公司！我哋喺百合苑廣場見到有間唔錯嘅日式餐廳，睇埋Menu，覺得佢嘅野食好吸引！即刻決定食佢！入到去就知冇揀錯。環境好靚，好似去咗日本🇯🇵咁。未去到旅行，嚟呢度感受吓佢嘅日本氣氛都唔錯！我就叫咗🐟三文親子丼lunch set.🍱- 呢個set有勁多火炙三文魚🍣，每一件三文魚嘅油脂分布都好平均，火灸左之後嘅🐟三文魚油流左落飯🍚到。令到壽司飯嘅味道更香。真係冇得輸！同事就叫左🧀芝士大阪燒lunch set 🍱- 大阪燒嘅🧀芝士味好岀！切開d芝士已經流緊出嚟。食落口香濃美味。