九丁目燒肉料理

營業中

休息中

呢日我哋嚟到元朗搵嘢食🤣見到呢間「九丁目燒肉料理」好吸引，入面裝修都非常有日本地道感覺，掛滿晒燈籠，而且仲係木系裝修，好似真係去咗日本咁😆而且抽風亦做得非常好，室內完全冇油煙籠罩住👍🏻當日我哋叫咗至尊二人前，好豐富，有齊前菜、A5和牛、豚肉、海鮮、紫菜飯🥰首先前菜，我哋選擇咗蜜桃蟹籽沙律，蜜桃同生菜都好新鮮，清甜爽脆，加上滿滿嘅蟹籽，增加口感，令人好開胃☺️而肉類，餐廳會用一個木製層架，一次過全部上枱，令人好期待🙌🏻分別有A5鹿兒島和牛西冷、十勝和牛貝肉、十勝和牛肉眼頂、和牛眼芯、米豚肉眼😋全部都好新鮮，表面紋理好靚，A5鹿兒島和牛絕對高質，油脂豐富，入口即溶😋其他嘅和牛同豚肉眼，同樣肉味澎湃，口感軟腍，輕輕燒一燒，已經即刻聞到好香😍而海鮮方面，我哋選擇咗珍寶元貝，以及澳洲龍蝦尾😎元貝真係好大隻，而且會配上牛油，店員亦好細心，教我哋首先剪開元貝，然後先搽牛油，令到牛油嘅味道全部都滲入去😍而龍蝦尾同樣有特別嘅食法，將龍蝦肉剪開，然後放喺頭先燒完嘅元貝殼上面，令到剛剛嘅牛油同埋元貝新鮮味道，全部融入龍蝦肉之中🙈呢種食法真係好正，龍蝦肉質彈牙，沾上滿滿嘅牛油香味，以及自身嘅龍蝦鮮味，食到停唔到