影片
更多
2019-03-01
154 瀏覽
平時好鍾意食漢堡、薯條⋯⋯於是琴日專程拜訪美麗華嘅burgeroom💓一見到門口個餐牌已經流晒口水，無論漢堡定係小食都好吸引🤤🤤🤤入到去見到隔離枱個漢堡好大份，所以我哋兩個人只係點咗三樣食物：雙層牛肉芝士漢堡、牛油果醬芝士薯條、香辣單骨雞翼配蜜糖芥末醬。雙層牛肉芝士漢堡一上菜嘅時候，我哋兩個都嚇親，超巨型！好彩淨係叫咗一份漢堡，如果唔係一定食唔晒。舖頭都好細心預先切開一半，方便食客分享～兩塊牛肉都勁厚，勁多肉汁，食落牛肉味好重，又唔會乾爭爭👍🏼👍🏼芝士味都好出好濃郁，配合埋少量番茄同生菜，整體食落唔會太過膩。牛油果醬芝士薯條好好食！薯條粗幼適中，好有口感，牛油果醬配合少量蕃茄碎，食落好清新，可以中和返薯條嘅油膩，鍾意牛油果嘅朋友一定要試！而香辣單骨雞翼配蜜糖芥末醬我覺得係三樣入邊最好食嘅！雞翼本身因為有辣味，已經好香好好食，再點埋比較杰身嘅蜜糖芥末醬簡直係絕配，令到隻雞翼更加惹味😍😍😍而且單骨雞翼食起上嚟好方便，下次一定要encore！講返鋪頭裝修同服務，一入到去已經好有街頭feel，再加埋個好型嘅水吧，成個環境好配合😎店員服務態度都好好，好有禮貌👏🏼👏🏼
一見到門口個餐牌已經流晒口水，無論漢堡定係小食都好吸引🤤🤤🤤
入到去見到隔離枱個漢堡好大份，所以我哋兩個人只係點咗三樣食物：雙層牛肉芝士漢堡、牛油果醬芝士薯條、香辣單骨雞翼配蜜糖芥末醬。
雙層牛肉芝士漢堡一上菜嘅時候，我哋兩個都嚇親，超巨型！好彩淨係叫咗一份漢堡，如果唔係一定食唔晒。舖頭都好細心預先切開一半，方便食客分享～
雙層牛肉芝士漢堡
43 瀏覽
0 讚好
0 留言
兩塊牛肉都勁厚，勁多肉汁，食落牛肉味好重，又唔會乾爭爭👍🏼👍🏼芝士味都好出好濃郁，配合埋少量番茄同生菜，整體食落唔會太過膩。
牛油果醬芝士薯條好好食！薯條粗幼適中，好有口感，牛油果醬配合少量蕃茄碎，食落好清新，可以中和返薯條嘅油膩，鍾意牛油果嘅朋友一定要試！
牛油果醬芝士薯條
30 瀏覽
1 讚好
0 留言
而香辣單骨雞翼配蜜糖芥末醬我覺得係三樣入邊最好食嘅！雞翼本身因為有辣味，已經好香好好食，再點埋比較杰身嘅蜜糖芥末醬簡直係絕配，令到隻雞翼更加惹味😍😍😍而且單骨雞翼食起上嚟好方便，下次一定要encore！
香辣單骨雞翼配蜜糖芥末醬
42 瀏覽
0 讚好
0 留言
講返鋪頭裝修同服務，一入到去已經好有街頭feel，再加埋個好型嘅水吧，成個環境好配合😎店員服務態度都好好，好有禮貌👏🏼👏🏼
張貼
