滿記甜品 (已搬遷) 新店位置

食完摩斯之後, 仲有d未夠皮感覺, 決定整個甜品吃下!行到去滿記counter睇左一陣決定叫個楊枝甘露同埋芒果班戟!芒果班戟有兩隻, 冇發記咁大隻, 不過賣相唔錯, 食落口芒果都幾甜, 不過忌廉就多少少, 班戟皮就幾薄幾軟身下, 仲夠凍添, 好好味; 楊枝甘露賣相都幾靚幾吸引下, 芒果好甜, d西柚肉有d甜有d酸但係就冇澀味, 楊枝甘露又夠凍又清, 又唔係太甜, 少少西米都幾好咬, 正呀呀!雖然事隔兩日, 又係食番一模一樣甜品, 但係師傅我個人就比較鍾意滿記喇, 佢地味道始終係好味d! 最後師傅我勁滿足咁離開, 繼續搏殺!