火鍋撚 (日富里百好大廈) (已結業)

成日見到身邊嘅人喺火鍋撚到打卡，最近天氣涼左啲，終於黎試呢一間比較近我嘅火鍋撚新分店啦。我同男朋友兩個食安排左一張大卡位俾我哋，坐得超級舒服，其實四至六個人坐都綽綽有餘，叫幾多嘢食張枱都擺得晒啦以為新分店少啲人，點知座無虛席，非常熱鬧。湯底方面叫咗蜂巢豆腐白湯鍋同祖傳秘製麻辣鍋，前者嘅御膳成份包括滋補香料同原條人蔘，熬制既湯底有養生嘅作用，麻辣鍋配上養生嘅中草藥熬制，油份比普通嘅麻辣鍋少，打邊爐同食辣都可以食得健康同安心啲。我哋叫咗一份小嘅火鍋撚御用手切肥牛，分量其實一啲都唔小，送上枱嘅時候仲附送煙霧效果，非常有氣派碟上仲好貼心咁有淥牛肉嘅指示，令我哋更容易掌握時間，唔會淥得太熟。牛肉嘅油花比例平均，肉質夠嫩滑，唔算多筋，值得一試。極品黑豚肉都係佢哋嘅廚師推介，賣相非常吸引，完全無豬臊味，咬落好軟熟。海鮮方面叫咗脆鯇魚腩，口感肥美鮮味十足，索曬d湯底變得非常入味。最令我驚喜嘅絕對係雙拼嘅法式龍蝦湯爆漿牛丸同新出嘅黑松露菌醬爆漿牛丸。牛丸超級之彈牙，係彈落地絕對會彈返起身嗰啲內裏無論係配龍蝦湯定黑松露醬味道都非常濃郁，係我食過既牛丸既number 1！！！新張期間仲送埋甜品添，芋圓非常之