影片
更多
2013-10-04
1198 瀏覽
普通人喜歡慶祝生日，不過小肥就大貪啲，每年都會選擇慶祝「生月」，哈哈，可以慶祝成個月吖嘛 ！四月家中有多位表兄弟姊妹由外國到訪，碰巧就係小肥生月，所以相約食飯聚舊，唔洗我夾錢，以賀細佬牛一 ！居港o既表姐鍾意周圍食，試新野，因最近友人推介Wabi Sabi，所以就提議去食日本菜。Wabi Sabi位置非常隱蔽，好在餐廳個門口夠sharp，Openrice上o既地圖又夠清晰 ，結果大家都冇蕩失路。搭的士或私家車還好，可以停泊喺門口，不過如果乘坐其他交通工具，就要落車後再行入去半漆黑o既橫街窄巷 ，膽小o既XO仔怕黑，所以絕對唔會一個人走入去囉 ！Wabi Sabi室內燈光較暗，地方尚算簡潔企理，除咗個坐得六、七人o既壽司吧之外，大概有三、四張散枱，總面積唔係好大，所以就連男女公用o既洗手間亦都係設於門外。小肥特別欣賞其裝飾及擺設，包括門外o既座地煙灰架，掛牆日曆，座地燈，等。除咗企喺壽司吧後面o既兩位男師傅，餐廳其他服務生都係妹妹仔。客人埋枱安頓好後，妹妹仔就利用紙筷子套續一為我地接筷子座。落單時及上餸時，佢地雖然木無表情，態度並非友善，亦並非惡劣，而且有推介及講解各款不同菜式
Wabi Sabi位置非常隱蔽，好在餐廳個門口夠sharp，Openrice上o既地圖又夠清晰 ，結果大家都冇蕩失路。搭的士或私家車還好，可以停泊喺門口，不過如果乘坐其他交通工具，就要落車後再行入去半漆黑o既橫街窄巷 ，膽小o既XO仔怕黑，所以絕對唔會一個人走入去囉 ！
Wabi Sabi室內燈光較暗，地方尚算簡潔企理，除咗個坐得六、七人o既壽司吧之外，大概有三、四張散枱，總面積唔係好大，所以就連男女公用o既洗手間亦都係設於門外。小肥特別欣賞其裝飾及擺設，包括門外o既座地煙灰架，掛牆日曆，座地燈，等。
除咗企喺壽司吧後面o既兩位男師傅，餐廳其他服務生都係妹妹仔。客人埋枱安頓好後，妹妹仔就利用紙筷子套續一為我地接筷子座。落單時及上餸時，佢地雖然木無表情，態度並非友善，亦並非惡劣，而且有推介及講解各款不同菜式，算叫做交咗功課，不過小肥唔覺得佢地當晚o既表現值多過2.5分o既服務分囉（五分為滿分計算） ！同行七人為簡單起見，決定每人都叫一份Omakase Sushi Set，即「師傅發板壽司盛」，再加幾款小食，邊個唔夠飽可以再加其他魚生或者飯麵。
前菜（$20/位）：餐牌第一頁寫明，前菜每位$20，食客冇得揀，唔食都要收錢 。日本餐廳都要黎招「老屈」，心諗洗唔洗呀 ？！印象分當堂大打折扣！當晚前菜為一碟少辣味腥o既魚仔，小肥勁唔like ！
雞泡魚干（$68/客）：暖暖o既雞泡魚干又硬又韌 ，真係少啲牙力都咬唔到！燒吞拿魚鮫（$380/客）：雖然吞拿魚鮫一啲都唔腥，不過如果可以熱啲，同埋燒得燶啲，效果會好好多！
吞拿魚顎肉刺身（$480/客；每客四件）：同桌o既表兄弟姊妹都未聽過或者係食過「吞拿魚顎肉刺身」，所以大家就決定叫一客黎試吓。嘩，刺身入口即溶，而且齒頰留香 ，似乎吞拿魚顎肉仲靚過大卜口（拖羅），唔怪得知咁貴啦 ！
師傅發板壽司盛（$6,800/七人）：話明係全部由師傅發板，我地當然冇向妹妹仔提出任何要求啦，亦唔敢講自己唔敢食啲乜！好高興，餐廳好有文化地由白色魚開始上，越食越深色，越食越濃味 ，美中不足就係師傅並非選用全生磨o既wasabi 。師傅發板壽司盛每客15件壽司，有好有唔好，而家就等小肥續一為大家講解：
第一、二道o既平目及赤簳肉質彈牙，味道夠鮮。第三道o既間八就較韌。第四道o既金目鯛夠鮮甜。
第五道o既赤鯥魚味道較淡，毫不突出。第六道o既大拖羅雖然溶喺口，但同之前食嗰件「吞拿魚顎肉刺身」真係冇得fight。
第七道o既鯖魚雖然有薑蔥調味，不過同赤鯥魚一樣冇乜魚味。第八道o既赤座蝦大大隻，而且非常濕滑爽口彈牙，超正 ！
第九道o既北寄貝都好大隻，不過就稍為韌咗少少。如相所示，第十道o既帆立貝（即帶子）份量十足，而且鮮甜肥美，老表門無一不讚 ！
第十一道o既小白魚唔係個個啱口味，其外貌似小魷魚，質感「滑汕汕」得黎好腍，而且咬落仲膠住個口 ，而且勁腥，真係超唔掂！
第十二道o既海膽不甚美味，而第十三道o既三文魚子則又咸又腥，小肥直頭食到打冷震 。
連續食咗三味好唔掂o既壽司後，好在第十四道o既佐口邊夠爽口，燒得又夠香，同埋最後第十五道o既吞拿魚卷亦好夠香脆，令我地份師傅發板壽司盛叫做有個好收尾 。
有一點好奇怪，餐牌例明「師傅發板壽司盛」有三種，$680、$880、$1200，但因酒精影響關係，小肥已經唔記得落單時叫咗$680定係$880，只係而家寫食評時，睇返啲相同單據，先發現當晚餐廳以一個總數$6,800收咗我地七份人錢 。小肥數學差，所以唔係好明白條數點計出黎，因為除返條數，每位為$971.43，即三種收費都唔係，咁究竟係佢乘錯數（即$680 x 7 變成 $680 x 10??） ，定係佢加咗一啲冇通知我地o既額外收費呢 ？！
其他:開瓶費：$200/樽
朝日啤酒：$42/樽
日本枝豆：$38/客
稻庭烏冬：$68/客
自家制玉子壽司：$28/客
Wabi Sabi位置較偏僻，餐廳細細間，客人亦唔多，所以食物上枱速度控制得好好。雖然服務生對餐廳所提供o既菜式非常熟識，可惜態度欠缺熱誠，更令正在慶祝緊生月o既小肥感到頗不受歡迎 。至於食物方面，魚生種類多元化，美味程度參差，有超好食、過得去、麻麻地、勁唔掂都有；不過令XO仔最反感o既就係要仔細查單先發覺個Omakase（「師傅發板壽司盛」）收費並不清晰 ，雖則小弟唔洗比錢，但亦絕對有被老屈之感，真係戥比錢o既老表們唔抵 ！
張貼
