漁道樂 (已結業)

近排好少出街，畢左業之後成日想約班朋友一齊出嚟聚下，但無奈依家出街唔係太方便。終於約齊人，決定咗去呢間新開但已經係尖沙咀區小有名氣嘅漁道樂。地點一流，方便大家之後再上諾士佛台飲嘢。Book 咗七點，因交通問題，遲左少少，去到發覺佢哋竟然已經坐滿左。門口望入去，全場爆滿。問返餐廳點解，原來每逢星期五係佢哋嘅show day，有表演同抽獎。又好似幾得意，成棚人就話等下先。等緊嘅時候有位坐，同免費啤酒招待，very good! 先講環境，好光猛，寬敞，一望到底，其實個場都幾大。成個構思好日本風，特別要讚佢哋餐廳原來有分區。每次坐唔同地方，都會有一個主題。我哋人多坐咗係間VIP房。講返食物，我哋叫咗菠菜券，雞皮餃子，燒蜆，和牛，鮑魚，長腳蟹，刺身。全部都好新鮮好甜。燒海鮮係佢哋嘅主打，有人幫埋你燒。叫咗支酒，我哋全程淨係負責飲飲食食就得啦。特別推介象拔蚌刺身，極爽口鮮甜，新鮮食下食下，突然個日本廚師同經理就出嚟話有舞蹈表演。反應最熱烈嗰組觀眾，會送足足一整隻二千幾蚊「長腳蟹」，成晚送4隻。我哋即刻成班出晒去，可能我哋比較怕醜，加上本身已經叫咗隻蟹，所以冇乜特別落力，最後空手而回，跳緊舞嗰陣，個