野川拉麵の深燒食堂

營業中

休息中

好耐無約朋友食元朗食飯，今日黎到呢間已經開左好多年既野川拉麵聚舊，以前讀書都成日黎，真係好多回憶！估唔到中午時段都勁爆場，要排隊先有得入，人氣真係keep得好好呢到主打日式食物，款式非常之多，但最吸引到我黎都係佢啲特飲，不定時更新，次次都有驚喜！日式雞扒丼飯，用既自然係日本米，雞扒外皮煎到脆一脆，咬落勁香口，面頭仲好有心思咁放左木魚絲，好睇又好食芝士辣湯底拉麵配吉列豬扒，唔好睇佢咁紅，其實都唔會太辣，反而撈埋啲芝士成個湯底好濃厚，拉麵索晒啲汁勁入味！至於吉列豬扒就唔洗講，睇見都流晒口水外脆內軟無得輸！胡麻醬沙律，好大份，醬汁夠份量一啲都唔會dry椒鹽雞軟骨，同樣大大份，好夠味同香口，朋友食連我都聽日到有聲，真係一食就停唔到口特飲今次叫左Corona溝利賓納加薑，估唔到勁match，甜甜地無乜啤酒苦味，底下仲有啲薑糖又甜又甘，強烈推薦大家試下！