焼肉スマイル (燒肉smile)

今日食台式燒肉真係好開心！裝修用左全木系，望落係勁舒服。呢到係叫套餐或單點燒用，唔係任食，仲可以隨時配上台式飲品、甜品同主食。叫完野食可以到沙律自助吧食住等，選擇好多，食得特別開心，可以隨意搭配，清新又健康。極上盛品真係唔錯，好多款式肉類，包括左魚、蝦同牛肉。魚肉鮮嫩一大粒骰子魚肉，一路燒一路聞到好香味。大蝦好新鮮，肉質彈牙。不過最最正都係啲牛肉，燒到7成熟就價，味道十足勁香肉味，食落亦好軟身，最緊要係好乾淨食完都無肚痛肚屙。豬肉套餐配上韓式辣醬汁真係好好味，幾個部位既豬都唔係好識分了，咬下去肉質鮮嫩，唔會好多肥油肥膏，食得好滿足雞膝軟骨則是另一種享受，肉質軟滑，咬下去彈牙又有嚼勁，完全唔會膩，非常適合當小食。主食有得揀蔥油溫泉蛋飯或雪蟹膏拌飯，兩款都好適合配上燒肉食。蟹膏好香濃，份量超多。不過個人覺得太搶味，反而蔥油蛋飯配燒肉仲出色！呢到燒肉真係好出色，無論係環境、舒服同野都係一流，一定會再黎！