帕維亞意大利餐廳

營業中

休息中

一坐低，就有籃香噴噴既麵包上枱🥖🧈首先講下蒜茸包，十分香脆，包面脆，包心軟熟，外脆內軟又香口！芝麻包中間夾住冰凍既牛油🧈，冰火芝麻包，好似食緊零糖份菠蘿油咁！前菜軟殼蟹芒果沙律🥗軟殼蟹大大隻咁，炸到超脆口，入面既蟹肉好正，用芒果黎配搭絕對一流，就咁食軟殼蟹可能會有少少濟，但夾埋芒果同沙律菜一齊食，就變左令人開胃既前菜💕Pavia Special Pizza🇮🇹呢個係餐廳既精選薄餅👏🏻材料有蘑菇，黑松露醬，火煎菜，馬蘇里芝士🍕Pizza成日食，但較少餐廳會用黑松露醬焗pizza, 好香，再加埋磨菇，野菌味勁香，個感覺似黑松露雜菌意大利飯，鍾意食雜菌既食家絕不能錯過！👏🏻👏🏻👍🏻香煎智利海鱸魚🐟鱸魚原條上！😍😍😍店員一放低條魚，隔離兩張枱即刻望住！因為勁香！煎到卜卜脆！魚皮香口脆口，魚肉鮮甜似蟹肉，基本上可以唔使沾醬，淨係食脆口同鮮味已經夠唒！總結：Pavia呢間餐廳，用料靚，廚藝好，環境舒適，已經book左下個月再食啦！🙌🏻🙌🏻🙌🏻🙌🏻🙌🏻