Where Buddha Bar

營業中

休息中

同朋友諗住放鬆吓，上網睇呢間Bar野食都好似幾精緻，又可以傾下計relax下，都市人工作壓力都大，黎到坐左室外個環境佈置都好有氣氛同浪漫🌹又可以放鬆下，飲下野傾下計。酒盜芝士🧀️芝士味好濃郁，仲幾creamy，送酒小食岩晒👍🏽雞軟骨串平時出面食既會燒到比較乾身，呢度啱啱好，抵讚。一口牛呢個真係好推薦，燒完出黎仲有肉汁，肉質仲好嫩滑，一定要叫。大葱雞串本人好鐘意食雞皮，佢燒到個雞皮香脆，又有少少焦脆同燒汁，雞肉唔乾身，佢啲串燒真係幾令人驚喜，下次一定要再試其他款式。Heaven Hana 超靚夢幻既一個嘢飲，打卡一流，杯邊沾滿左粉色花瓣，入邊有薰衣草玫瑰櫻花味糖醬，再加sake 同soda，好易入口又甜甜地，推介🫶Coyo Cogurt 好有熱帶風情嘅一杯酒，裝飾既菠蘿勁甜，入面有乳酪椰子Liquor 同vodka ，加左椰子糖醬同檸檬汁。朋友仲想再飲，店員熱情推介左兩款白酒。兩款都係黎自智利既白酒，吾太甜且帶酸，有果香同礦物味。另外值得一讚，店員全程服務好好，睇得出佢好享受佢既工作。