鍾菜 (已搬遷) 新店位置

有次見到老細蘿住呢度既紙袋，頓時想試下呢間菜館。來過幾次因為無book位，所以都系過門不入。之後就當然醒目，lunch 就一早來等，晚飯就book o左位至來。第一次系來食lunch，叫o左o的點心，個服務員同我地講有什麼什麼翅，因為個客叫o左之後無時間等，而家多o左，所以以特價促銷，問我地有無興趣。雖然特價呢個字好吸引，但午飯一人來一個翅就好似有點兒那個。所以我地都無要到。是日都覺得o的服務好好，o的野食唔錯，好似仲無加一添。而且坐sofa位，都好舒服。第二次來食晚飯，一坐落姐姐又以同一口吻講一個什麼什麼貴價食送，因為客人order o左，唔知點o羊個廚又做多o左，然之後又以特價促銷。o華!! 呢種sell貴價菜既方法都系第一次見。坐坐o下，又有個服務員來，又講同一番說話，又問我地要唔要，仲要叫我地試o下啦，真系好難得o甘平，系因為個客點點點，而家至有特價咋。唉，我地都知道呢個系strategy，又點會上檔丫。是次，我地坐近廚房。Open kitchen雖然好特別，但對食客來講都幾嘈o下，成餐飯都聽到o的落wok煮野聲。