豆豆餅店

營業中

休息中

位於煥然懿居樓下嘅麵包鋪，外表看似同一般傳統麵包舖冇分別，但每次入去都會驚喜發現新款麵包。師傅非常有心 勇於創新，好值得讚！蒜蓉包 $8必買之選，番到屋企用焗爐/氣炸鍋 180 度翻熱 3 分鐘味道更加會提升！蒜蓉牛油味香濃，麵包外脆內軟，又平又正！牛角包🥐 $5今日發現師傅又有新作品，就係牛角包！雖然佢個賣相有代改進，但味道都唔錯！酥皮層都算多，加上輕輕嘅牛油香，如果用再香濃啲嘅牛油去做必會大賣🤭之前買過佢嘅冬甩，又係新品，不過上次食冇影相，下次有機會食再補返！如果師傅見到呢個食評，希望你可以繼續鑽研更多topping 嘅新款冬甩🍩 加油！