影片
更多
2018-07-23
505 瀏覽
識我嘅朋友都知小弟都鍾意飲咖啡，尤其鮮奶咖啡，所以，有朋友試過「Athletic Juice ＆Espresso Bar 」嘅Avolatte就猛咁推介俾我，睇佢啲相，「杯」Avolatte又確喺幾吸晴嘅，趁住一早要過嚟金鍾鐘政府合署辦文件，就預早少少過嚟「Athletic」嘆杯咖啡，食個早餐先。小店雖叫位處灣仔星街，其實就好近金鐘，大清早嘅星街好寧靜。雖然店鋪細細，但裝修簡約而精緻，左邊幾張吧位枱櫈，方便客人用餐，近門口櫥窗位，就架設幾張矮櫈，俾客人坐低飲杯咖啡輕鬆一下。走入多少少，一整幅綠油油好似西蘭花嘅草牆，頓成焦點所在，因為，除咗搶眼嘅青綠之外，下面梗放有一大箱牛油果，牛油果喺近年被追捧超級食物，好處好籮籮，例如含不飽和脂肪、含多種維他命、高抗氧化及蛋白質、纖維、甘油酸含量高。仲有趣嘅喺，原來，牛油果都有做成好似薯片嘅零食，賣$22包，有興趣嘅朋友就不妨試吓。店內有咩賣？牆上4大塊黑板就羅列晒出嚟，可能睇相唔太清楚，不過，店家有印成單張，故此就掃描出嚟比大家易睇啲當參考。飲品種類非常多，大致分類為咖啡、有機花茶、果汁、沙冰、蔬果汁……等等。此外，幾款飲品：Matcha Latt
小店雖叫位處灣仔星街，其實就好近金鐘，大清早嘅星街好寧靜。雖然店鋪細細，但裝修簡約而精緻，左邊幾張吧位枱櫈，方便客人用餐，近門口櫥窗位，就架設幾張矮櫈，俾客人坐低飲杯咖啡輕鬆一下。
走入多少少，一整幅綠油油好似西蘭花嘅草牆，頓成焦點所在，因為，除咗搶眼嘅青綠之外，下面梗放有一大箱牛油果，牛油果喺近年被追捧超級食物，好處好籮籮，例如含不飽和脂肪、含多種維他命、高抗氧化及蛋白質、纖維、甘油酸含量高。
仲有趣嘅喺，原來，牛油果都有做成好似薯片嘅零食，賣$22包，有興趣嘅朋友就不妨試吓。
店內有咩賣？牆上4大塊黑板就羅列晒出嚟，可能睇相唔太清楚，不過，店家有印成單張，故此就掃描出嚟比大家易睇啲當參考。飲品種類非常多，大致分類為咖啡、有機花茶、果汁、沙冰、蔬果汁……等等。
此外，幾款飲品：Matcha Latte、Avolatte、Phoenix Latte更喺店家銷量主打，故特別獨立印成海報貼晌牆上當推介。
店員更順帶一提，時值炎夏，另有3款季節限定特飲：Athletc Power、Ice Sparkle、Coffee Ice Blended，款款都列明成份，配搭有心思。
從餐牌所見，大多數嘅飲品都跟生果有關，所以，晌收銀櫃枱旁就見到玻璃櫃內放滿生果，故此，所有果汁飲品都喺由新鮮生果打造，絕無欺場。
Avolatte $48雖然知道佢啲果汁搵鮮果打，但衝着呢個「牛油果」鮮奶咖啡而嚟，不作他想。實物跟相一模一樣，掏空嘅牛油果殼作為咖啡杯，真喺咁都被店主諗到，所以，當然唔喺搵牛油果嚟沖出咖啡啦，賣相確實好搶眼，拉花夠細緻。小呷一口，咖啡嘅味道醇香，最欣賞喺沖調嘅手勢，奶泡撞落濃縮咖啡度沖出嚟嘅口感好平衡且均勻，每口都喺同樣細膩。
Avolatte
$48
10 瀏覽
1 讚好
0 留言
食物方面，就有啲牛角包、朱古力丹麥酥、香蕉蛋糕、班尼士及曲奇，而買任何飲品，都可以以優惠價$18配任何一款包點。
Chocolate Danish +$18原本都有打算嗌香蕉蛋糕，因為原價賣$26，優惠價同樣$18，心理上覺得抵啲，不過，小弟都仲喺想試吓佢啲丹麥酥。個朱古力丹麥酥外觀金黃，一口咬落去堅酥脆，脆到啲酥皮跌到一碟都喺，夾雜濃郁嘅朱古力醬，配鮮奶咖啡真喺襯晒，就算喺來貨都喺高質素嘅貨色。
Chocolate Danish
$18
11 瀏覽
0 讚好
0 留言
正所謂一年之計在於春，一日之計在於晨，朝早飲咗杯咁稱心吓咖啡，以及食咗個咁酥香嘅麵包，絕對喺為新一日加添唔少動力。
張貼
