影片
更多
2018-02-28
2709 瀏覽
今日出左去開會, 放工同埋BUDDIES 三人悶悶地出去睇下有咩食, 大家都mutual agree 係去打邊爐所以就去搵下.呢間餐廳的裝潢好特別, 成間店鋪好靚, 空間位置都好寬敞張張枱都好似一個個包廂咁,有別於其他火鍋店唔會有枱貼枱的情況.我地3個人一黎就叫左個4人套餐, 見到都幾抵同埋野食種類都真係唔小, 可以滿足晒我地3個既要求又唔洗再傷腦筋. 店員之後俾左呢個別緻的醬料九宮格, 呢個九宮格應有盡有而且色彩仲好繽紛呀!!最先上既就係呢個有4款唔同刺身的拚盤, 上面的三文魚, 油甘魚同埋甜蝦. 件件都好鮮好肥美,咬落去係啖啖肉. 太好味既關係一人一片真的有點唔夠喉呀!之後店員就送上一個奶白的湯底裡面滿晒鯊魚骨同埋花膠, 十分足料呀~ 一邊滾一邊聞到香味. 個湯一邊滾店員好窩心咁一邊取出煲邊既泡泡同埋其他的雜質, 令到我地食既時候湯底清到好似牛奶一般!!最後大約滾左十幾分鐘就分左3碗俾我地飲. 湯底的味道都好肯定係冇落味精, 因為佢既味好淡只係飲到淡淡的鯊魚骨味, 飲完都唔會口喝, 非常好呀!!!之後店員就一次過將所有既食物都送到我地張枱上, 呢個就係枱大的好處可以一次過見到晒自
呢間餐廳的裝潢好特別, 成間店鋪好靚, 空間位置都好寬敞張張枱都好似一個個包廂咁,有別於其他火鍋店唔會有枱貼枱的情況.
我地3個人一黎就叫左個4人套餐, 見到都幾抵同埋野食種類都真係唔小, 可以滿足晒我地3個既要求又唔洗再傷腦筋. 店員之後俾左呢個別緻的醬料九宮格, 呢個九宮格應有盡有而且色彩仲好繽紛呀!!
最先上既就係呢個有4款唔同刺身的拚盤, 上面的三文魚, 油甘魚同埋甜蝦. 件件都好鮮好肥美,咬落去係啖啖肉. 太好味既關係一人一片真的有點唔夠喉呀!
之後店員就送上一個奶白的湯底裡面滿晒鯊魚骨同埋花膠, 十分足料呀~ 一邊滾一邊聞到香味. 個湯一邊滾店員好窩心咁一邊取出煲邊既泡泡同埋其他的雜質, 令到我地食既時候湯底清到好似牛奶一般!!最後大約滾左十幾分鐘就分左3碗俾我地飲. 湯底的味道都好肯定係冇落味精, 因為佢既味好淡只係飲到淡淡的鯊魚骨味, 飲完都唔會口喝, 非常好呀!!!
之後店員就一次過將所有既食物都送到我地張枱上, 呢個就係枱大的好處可以一次過見到晒自己點左咩食而唔洗碟疊碟,慢慢欣賞慢慢嘆!!! 和牛刺身唔係就咁食都要放落去湯底中, 牛肉的有口感好有肉味. 海鮮拚盤就真係重頭戲呀, 上枱時蝦同蜆都仲郁郁下嫁, 新鮮到咁呀!! 蝦大大隻長過我隻手掌, 非常爽口! 其他的蚌類或貝類都好好食好新鮮, 又唔會有沙, 放晒落個湯到滾連D 湯都即刻甜晒.
之後就係呢2個好日系感覺的菜盤, 菜同菇的種類十幾款. 而且種類都好特別有皇帝菜呀, 紫薯呀... 好豐富呀!!最後仲有手打墨魚滑同埋鬼馬蝦滑. 手打墨魚滑上面仲有一條條的蟹肉絲, 食落彈牙之餘仲食到蟹肉增添左個口感. 鬼馬蝦滑呢個雖然唔係咩新既PRODUCT好多地方都食過,不過呢個味道有點不一樣. 頂頂會有一堆堆的蟹子, 手打蝦滑釀在油炸鬼上, 油炸鬼係脆卜卜的放落湯中吸左湯既精華再加埋彈牙的蝦膠, 真係好PERFECT!!
食到最後發現種類都多既, 不過我地LUNCH食得太小又真係唔係好夠所以再加多左碟手切安格斯....... 一上枱見到都流晒口水呀! 肉紋好清晰, 又唔會肥. 食落去好鮮嫩又勁重牛肉味!!真係好抵加呀!!!
到左最後店員仲好好送我地一人一份水果, 仲要切好晒西柚,火龍果,菠蘿同埋藍梅. 呢D水果都有別於出面的西瓜同橙!! 真係服務態度好好同埋好窩心既食店呀!!張貼
