初遇

營業中

休息中

約好朋友來沙田shopping 順便食個下午茶，見到有$50以下嘅台灣下午茶套餐，都幾吸引🤩 等咗5分鐘左右就可以入座。🍞慢烤雞腿吐司吐司香脆，夾住嫩滑雞髀肉同埋流心蛋，一咬落去就有爆汁嘅感覺，超正！ 係必食之選！🐽大腸麵線配淡水滷肉刈包大腸有好多件，麵線味道好有台灣味道，加啲醋落去真係好好味！可以encore 。刈包外皮軟綿綿，餡料有五花肉、酸菜同埋芫荽，五花肉口感Q彈，分量都唔少，配上酸菜同芫荽，好夾！🧋自家芋泥黑糖奶茶 （跟餐+$12）芋泥真係冇得輸，黑糖奶茶就正常發揮🐓鹽酥雞滷肉飯配紫菜貢丸湯鹽酥雞外脆內軟略嫌味道不夠滷肉同飯嘅比例剛好，配埋流心蛋真係好好味！台式香腸，原來配生蒜就會去走油膩感，下次食台式香腸都要咁樣嚟食先！跟餐飲品其中一款就係紅棗桂圓茶🫖紅棗桂圓茶紅棗桂圓茶入邊仲有玫瑰花同埋菊花味，飲落有花香味🌹🥚古早肉鬆榨菜蛋餅蛋餅煎得香香，夾住榨菜同肉鬆嘅組合，味道OK，但真係要同人分享😝 4件有啲膩😅餐飲配冷泡阿里山烏龍茶好夠凍，唔算大濃，解膩一流。仙草三色芋圓 （飲品轉甜品+$22）芋圓煙煙韌韌，三種顏色三種味道，係我地鍾意嘅味道！但仙草味道一般，比較似涼粉多過仙草。