千府·居食屋 (已結業)

餐廳唔係好大, 只得20個座位左右….. 職員好快遞上餐牌, 雖然得4版紙但種類不少, . (有沙律, 要嚟餸酒嘅小食, 炸物, 刺身, 軍艦, 卷物, 壽司, 仲有個叫看板料理…. 等等) 職員好nice介紹咗個幾特別嘅前菜 “西班牙鯷魚酱配甘荀沙葛”, 有火暖住個酱, 出奇地又好配喎，有驚喜!前菜仲有個叫”松葉蟹波波”，成個球全部私松葉蟹肉加埋D抽子啫喱一齊食，啖啖肉之餘又清新。之後我哋就叫咗個”七點刺身” : 有赤身, 三文魚腩, 帆立貝, 海膽, 牡丹蝦, 仲有大大件拖羅…食材好新鮮。‘千府火炙盛盒” 有8件, 4款各有两件, 两個人食份量剛剛好, 唔好睇少魚上面嗰少少配料, 一齊放入口再加埋微暖嘅飯, 絕對有有畫龍點睛嘅效果。仲有個都比較少見嘅用黑毛豬做义燒再配溫泉蛋，上枱嘅時候仲見到有煙出，剛剛燒好，有少少濃邊，肉質鮮嫩又多汁。