勝手 (已結業)

🎉😀今次去左銅鑼灣勝手食好野,雖然地點一般勝在食物高質搭夠值得一試! 鋪頭裝修唔錯,鋪面已比人一種高級既感覺,裡面一樣感覺舒服,座位亦舒適!👍🏻我地見有新菜式主打北海道毛蟹,見好吸引我地就試下!😚 北海道毛蟹大大隻,師傅拆好晒,排得靚靚仔仔先上枱比我地,睇到已經口水漏,勁多肉,蟹味濃郁鮮甜好味配埋魚湯底,鮮甜味更加出, 其他雜菜茹類,洗得乾淨之外,都好新鮮唔會馬虎! 肥牛簡直一流, 肥瘦厚薄適中,滾一滾就食得, 味道好夠嫩滑一d都唔韌亦唔會有根! 凍食螺肉,味道教得好好! 😋日本新鮮運到既刺身亦值得一試,師傅手勢好好厚切油甘魚,三文魚,間八,好新鮮唔會漏得黎食到有唔夠喉既感覺, 八爪魚容易咬碎口感好好, 帶子大大粒又鮮甜,樣樣都好新鮮一d都唔會腥,加上少少芥末非常好味 ! 🍴最後甜品紅豆奶凍,奶凍香滑配上紅豆,少少甜非常好食!😁🍴🎉