Haven (已結業)

今次好失策地忘記記低餐牌，不過都好想share下啲食物同環境比大家參考下。我地4個人去食生日飯，入到餐廳覺得有啲迫，所以選擇左坐屋外，雖然係路邊但果個位好少車會轉入去，加上天氣涼涼地，好舒服。坐好就落單叫菜，不建議你叫侍應介紹，因為根據我是晚既經歷，佢只會介紹餐牌上最貴既野食，由最貴開始叫你選起，問佢有咩特別都講唔出。炸魷魚，有驚喜！味道調得很好，炸皮恰到好處，魷魚新鮮軟口，推介牛仔tar tar，正常，不過不失帶子，也是不過不失，順帶一提，侍應主動提意加錢加一隻帶子，因為餐牌pre-set係3隻而我地4個人，我地當然接受，之後唔夠一分鐘返黎同我地講因為比多隻我地就賣唔到另外2隻帶子所以唔加得😓服務好奇怪，叫我地要多一份，最後我地當然無要到Paella，味道好淡，不推介，海鮮也不算新鮮鴨脾，好滑口，味道不錯牛，不夠Juicy，一般順帶一提，侍應不停叫我地食野，快啲食，但其實又唔係不人第位，我地已經話左我地想傾下計先，佢都不停叫我地食野又話呢餸凍，好似忽然帶左一個好長氣既媽媽一齊食飯咁，其實都幾disturbing