OASIS (已結業)

OASIS，位於上環既日本風居酒屋，裝修以日本特色街道、店舖設計為主題，好有居酒屋感覺🎎主打串燒、煮物、日式熟食、清酒，仲有特色既熟食 Omakase，一個人獨食都得，亦都適合一班朋友聚餐😘一人OMAKASE，食之前加左錢配埋HOUSE SAKE，會拎一盤清酒杯俾你揀，再配返相應既德利(酒瓶)😍非常有HEART，店舖都有唎酒師既Cert，果然係專業清酒店💡HOUSE SAKE都用真澄既純米吟釀(如果無睇錯🤣)唔錯既香甜薰酒😎由漬物同沙律開始，沙律新鮮正常，漬物味道幾好又開胃，最正係蒜頭漬，甘甜好味🤤季節煮物：麵豉煮牛肋肉，牛味超濃，甜甜地煮法好突出到牛既味道👍🏻👍🏻好腍好好味，蔬菜都好腍好入味😄到炸物，炸雞，好酥脆，一啲都唔油，勁嫩滑，肉汁爆發，突出到日式炸物既風味🇯🇵串燒時間，擺盤精緻，茄子，外脆內軟，燒汁味濃，夾茄子好正😎鹽燒雞翼，好有鹽香，配啲檸檬汁，味道唔錯，清得黎惹味👍🏻羊肉串，肉嫩而帶焦香，配芥末醬好新鮮，幾特別，好味😋串燒果然係招牌菜，烏冬幼身彈牙，加埋麵豉湯同甜品，好完滿既一餐！💟