水上人魚蛋粉 (已結業)

水上人魚蛋有聽過下既，諗住「依家個個都話手打、人工，又有幾多係手打、人工」，仲要咁既價錢點知完全180度相反，可以講得上係我食過既其中一間最好食既潮式粉麵裝修無特別，光猛企理，已經好夠，員工服務都好既餐牌睇唔睇都係個啲啦，招牌推介魚蛋、片頭、魚麵，價值相宜到呢招牌魚蛋粗到，賣相正宗，魚蛋一睇就知自己手唧，有氣孔既，食落魚味足，彈牙，口感好好一級水準靚魚蛋，魚片亦相當不錯，片香肉滑用勞蘇食法，先加辣椒油落匙更，點醬咁食左魚蛋魚片先如果你中意食辣一定覺得好正另一碗本身想試片頭，但魚片好似有啲重覆，而偷聽到好多人叫牛筋丸生料外賣，一於試下果然無令人失望，果然自設工場，你會食得出係同一般買到既丸唔同，口感彈得黎順滑，腍身有牛筋勞蘇食建議食法，先加辣椒油同魚露落匙更，攪拌下，先食牛筋丸正到一個點，再食下$8大大碟既蠔油芥蘭點都值得一提既係，料靚之外，麵亦相當不錯粗麵滑得黎薄身，有蛋味而掛到湯汁，正！辣椒油係另一亮點，同其他地方唔同，佢自炒辣椒油有埋花椒既，即係食緊麻辣潮州辣椒油，又香又麻又好味落埋落個麵即變麻辣湯底，滋味倍增有埋魚露再可調下想食既味無得輸啦食碗麵啖啖都係亮點埋單仲要平到咁實在係驚