飲茶 (朗豪坊) (已結業)

飲茶文化黎到依一代，除咗水滾茶靚點心好食之外，仲大賣創意點心可愛裝潢，飲茶就係其中既佼佼者裝修、點心、連點心名都花足心思求新，好似去左間食brunch既cafe咁，坐得舒服之餘仲有好多得意亮點係店入面，包括餐具，好得意咁好似有啲魚、奶黃包望住你咁點心紙幾乎要查字典先識睇，記住買佢拎本大食譜做reference順便欣賞下啲食物靚相，因為你實試唔晒咁多有色蝦餃，真係有色彩色既皮，色彩繽紛，賣相得意吸引人食，特別係小朋友一口落去相對厚皮既，個皮亦有啲硬，餡料味道正常，筍味唔係好夠唔夠風味，但絶對足蝦料而大粒，不過不失咁濃湯鮮竹卷，幾清新既，無蠔油咁醬味，但個湯絶對係夠味而好味既清得黎好食，如果可以多啲湯就好lu醬香鳳爪，真係幾香一上枱就聞到，食落就正常鳳爪，醬係香濃既，都算唔錯蟹籽燒賣，個皮由一般既黃色變左綠色，望落都幾新鮮幾唔錯蟹籽幾豐富，入口嫩滑，肉質腍而好味，不錯菠菜鮮蝦粉果，由於係粉果唔係餃，皮較厚身，但依個皮幾滑既，比蝦餃腍，入口夾埋菠菜好滑口幾好味味道甚至比蝦餃好，最後叫多左個干煸四季豆，賣相幾好，好有鑊氣下，相對辣嘅，送飯一流點心精緻、賣相吸引、裝修得意就無用置疑份量相對少啲既