影片
更多
2018-10-05
282 瀏覽
話說紅磡有間食開既泰國小店執左(其實執左好耐)想食泰菜而門口姐姐又非常殷勤，笑容滿面，門面幾靚，就揀左，平日夜晚幾旺場，入遲一張就要等入到去裝修算係相當唔錯，幾有特式又夠泰，侍應都係泰國人多，有講泰文坐落都舒服既，位亦企理，服務都ok好，笑容親切餐牌花多眼亂，有傳統野，亦有時令推介，望落去都好吸晴亦俾佢吸引左叫左條推介既魚野食黎之前有個大讚位，叫左象啤，黎到時俾埋個玻璃杯而個杯係象啤杯成日都話飲咩啤酒就要俾返個隻杯，一來襯，二來人地設計個杯係會突出返佢隻啤酒既味道同特色係外國依啲係基本先黎左個乾炒雞肉河，味道唔錯，正常泰野，好肚餓既關係加左分份量都幾多下既，亦夠乾身之後黎既就係燒豬頸肉，風味幾唔錯，酸辣味都幾正如果咸味或者魚露味出啲就會更正，份量就頸多，食極都食唔晒最後就係被推介既冬陰公湯大眼雞，本身想食明爐烏頭，但佢個menu影到依個好靚，又有個爐，又話時令食大眼雞，所以叫左，黎到個樣係靚同有派頭既重點黎喇，個湯濃到漿咁，食落口都唔知係飲汁定食啫喱，個味與其話冬陰公不如話係咕嚕肉汁好似將李錦記打邊爐個醬放入口咁，溝左幾次水先好啲個魚又一大伏，個樣已經唔太好，半熟上枱有啲湦味，淥左入去
入到去裝修算係相當唔錯，幾有特式又夠泰，侍應都係泰國人多，有講泰文
坐落都舒服既，位亦企理，服務都ok好，笑容親切
餐牌花多眼亂，有傳統野，亦有時令推介，望落去都好吸晴亦俾佢吸引左叫左條推介既魚
野食黎之前有個大讚位，叫左象啤，黎到時俾埋個玻璃杯而個杯係象啤杯成日都話飲咩啤酒就要俾返個隻杯，一來襯，二來人地設計個杯係會突出返佢隻啤酒既味道同特色係外國依啲係基本
先黎左個乾炒雞肉河，味道唔錯，正常泰野，好肚餓既關係加左分份量都幾多下既，亦夠乾身
之後黎既就係燒豬頸肉，風味幾唔錯，酸辣味都幾正如果咸味或者魚露味出啲就會更正，份量就頸多，食極都食唔晒
最後就係被推介既冬陰公湯大眼雞，本身想食明爐烏頭，但佢個menu影到依個好靚，又有個爐，又話時令食大眼雞，所以叫左，黎到個樣係靚同有派頭既
重點黎喇，個湯濃到漿咁，食落口都唔知係飲汁定食啫喱，個味與其話冬陰公不如話係咕嚕肉汁好似將李錦記打邊爐個醬放入口咁，溝左幾次水先好啲
個魚又一大伏，個樣已經唔太好，半熟上枱有啲湦味，淥左入去啲汁度又唔夾又唔入味，淥耐啲又老晒，再加埋大眼雞都好唔夾咁食相當惡劣，食埋啲配料就算喇
加埋成餐唔算平，條魚佔左一半錢咁濟如果無叫可能無事
都係個句，我有既你未必有，我難食可能你覺得好正，建議就唔好太大膽咁叫野
#金玉其外？
#泰國侍應氣氛幾好架
#今次真係多左幾舊魚
張貼
