影片
更多
2010-12-24
76 瀏覽
Farewell之日，又一同事遠走高飛，大伙不約而同想起久未試過的打冷，我提議這一間陳勤記，一來在港島區，位置近公司，二來是上一回蓮香居之旅之後路過，大家都話想試下，正好趁這機會。店子共有兩層，大檯都在上層，我地坐最入，冷氣是變相不太夠，但無損雅興。人生路不熟，本想叫店員介紹，但其實都係介紹ｄ大路野或貴價野，甚至係牆上的廚師推介，都幾行貨，最後都係自己最信得過。前菜的咸菜粒，未知是否等大伙時餓得濟，份外好食。當然本身無渣爽口也是事實來的。不要滷水鵝件要滷水鵝片，鵝肉嫩滑，滷水入味不過濃，果真有水準。底是一貫既滷水豆腐，反而豆腐未夠入味。整體份量鵝少了點，可能每人只分到兩片，始終鵝片係貴ｄ，成碟有大部份係豆腐，感覺有點搵笨。家鄉煎蠔烙蠔仔都迫在中間，不平均的煎法唔係咁合我心水，因為旁邊好似在吃齋蛋餅一樣。味道變相清淡，但魚露又過咸，很難找到平衡點。最麻煩是中間凍左會變左一pat野兼油膩，唔趁熱食真係會變左食之無味棄之可惜。咸菜胡椒豬肚湯一窩夠我地六人分，豬肚夠腍，但不夠熱，胡椒味也不夠，只是中規中矩。唔知係咪好耐無食，大眼雞異常快清碟，魚已分邊起皮，鮮味不錯，豆醬夠鮮，好味。蠔仔粥很足料
Farewell之日，又一同事遠走高飛，大伙不約而同想起久未試過的打冷，我提議這一間陳勤記，一來在港島區，位置近公司，二來是上一回蓮香居之旅之後路過，大家都話想試下，正好趁這機會。
店子共有兩層，大檯都在上層，我地坐最入，冷氣是變相不太夠，但無損雅興。人生路不熟，本想叫店員介紹，但其實都係介紹ｄ大路野或貴價野，甚至係牆上的廚師推介，都幾行貨，最後都係自己最信得過。
前菜的咸菜粒，未知是否等大伙時餓得濟，份外好食。當然本身無渣爽口也是事實來的。
不要滷水鵝件要滷水鵝片，鵝肉嫩滑，滷水入味不過濃，果真有水準。底是一貫既滷水豆腐，反而豆腐未夠入味。整體份量鵝少了點，可能每人只分到兩片，始終鵝片係貴ｄ，成碟有大部份係豆腐，感覺有點搵笨。
家鄉煎蠔烙蠔仔都迫在中間，不平均的煎法唔係咁合我心水，因為旁邊好似在吃齋蛋餅一樣。味道變相清淡，但魚露又過咸，很難找到平衡點。最麻煩是中間凍左會變左一pat野兼油膩，唔趁熱食真係會變左食之無味棄之可惜。
咸菜胡椒豬肚湯一窩夠我地六人分，豬肚夠腍，但不夠熱，胡椒味也不夠，只是中規中矩。
唔知係咪好耐無食，大眼雞異常快清碟，魚已分邊起皮，鮮味不錯，豆醬夠鮮，好味。
蠔仔粥很足料，蠔仔粒粒飽滿，小量的肉碎吊起味道，令到湯更鮮，每一口粥都有蠔仔，很是不錯。
潮式兩面黃煎得香口，外脆內腍，加糖加醋豐儉由人，我比較喜歡多糖食法，如果店方可以再切細件ｄ會更好，始終人多難分。
全晚最夠熱的，可能是方魚炒芥蘭，一黎到已見熱氣上昇；全條芥蘭爽口新鮮，不錯。
原來現在可用信用咭找數，我還以為只收現金。
如不和會所等等比較，這一餐的味道是不錯的，而且價錢合理，有機會會再黎試下。
張貼
