Rosé Home Kitchen (已搬遷) 新店位置

女朋友要求黎, 今次係第二次黎食, 上一次黎都坐得幾迫, 今晚就得一台客。我要左個三文魚天使面, 女友就揀左鴨胸。我地都好鐘意餐前既o個件多士, 好香口好脆。天使面: 上次都係食呢個, 冇乜驚喜, 味道穩打穩紮, 男仔黎講份量唔多夠鴨胸: 天使面差唔多食完先黎, 鴨胸煎得幾香口不過唔肥膩, 配上薯菜, 我不嬲麻麻地鴨胸都偷左幾舊食餐飲: 千祈, 千祈, 千祈唔好飲凍檸茶, 相信係餐廳用花茶一類既茶黎沖, 所以出黎味道古怪, 見到隔離台又係飲左兩淡冇飲, 我勸大家飲咖啡或花茶會比較安全總結: 除左杯茶出事之外我都會推介朋友黎, 呢度野食唔講得好出色, 不過以街坊價錢, o係呢區黎講都算唔錯, 係一間用心經營既小店, 宜家呢類小店一般都開得快接得快, 希望下次經過可以再黎一試。