影片
更多
2023-06-01
96 瀏覽
位於中環同銅鑼灣嘅Little Bao小包包一直出名以中式包點結合漢堡包🍔身為麵包控嘅我bookmark咗呢間餐廳好耐😬❤️呢日終於同朋友嚟咗試😝除咗招牌嘅中式漢堡包之外，仲有多款特色Fusion菜🤤款色千變萬化㗎🥰🌟沙薑薯條🍟 $88沙薑薯條係餐廳嘅季節限定🙌🏻薯條係用咗雞油去炸，再配上沙薑椒鹽，所以上枱已經好香沙薑雞嘅味道😽真心好特別😛係平時食唔到嘅味！另外再配上鮮沙薑沙律醬，真係有粒粒薑蓉😳令薯條味道再昇華～同埋薯條真係好大份😂😂😂絕對夠3-4個人食！🌟慢煮牛腩骨煎餃🥟 $128呢個煎餃雖然價值不菲，但味道真係好令我驚艷🥹💓餐廳選用咗有機澳洲牛腩做餡，外皮煎得好香脆，一咬落去真係爆汁😱滿滿嘅牛肉汁喺口腔爆發，而且佢係原塊牛腩，而唔係肉碎，所以保留到牛腩嘅口感得嚟肉質都好淋🤤面頭再放上芹菜頭沙律，一齊食令餃子更加爽口，而且可以解膩😋🌟招牌豬腩包 $98招牌豬腩包係餐廳嘅起家菜式😌餐廳以慢煮豬腩肉做主角，配上大蔥紫蘇葉沙律、芝麻醬同海鮮茄汁😋包體方面係用咗中式嘅蒸包，咬落鬆軟，中間夾住嘅慢煮豬腩肉都份量好多，而且每塊都半肥瘦，望住晶凝通透嘅肥肉真係好邪惡😈連埋包咬落去，豬腩肉入口即溶🤤
🌟沙薑薯條🍟 $88
沙薑薯條係餐廳嘅季節限定🙌🏻薯條係用咗雞油去炸，再配上沙薑椒鹽，所以上枱已經好香沙薑雞嘅味道😽真心好特別😛係平時食唔到嘅味！另外再配上鮮沙薑沙律醬，真係有粒粒薑蓉😳令薯條味道再昇華～同埋薯條真係好大份😂😂😂絕對夠3-4個人食！
🌟慢煮牛腩骨煎餃🥟 $128
呢個煎餃雖然價值不菲，但味道真係好令我驚艷🥹💓餐廳選用咗有機澳洲牛腩做餡，外皮煎得好香脆，一咬落去真係爆汁😱滿滿嘅牛肉汁喺口腔爆發，而且佢係原塊牛腩，而唔係肉碎，所以保留到牛腩嘅口感得嚟肉質都好淋🤤面頭再放上芹菜頭沙律，一齊食令餃子更加爽口，而且可以解膩😋
🌟招牌豬腩包 $98
招牌豬腩包係餐廳嘅起家菜式😌餐廳以慢煮豬腩肉做主角，配上大蔥紫蘇葉沙律、芝麻醬同海鮮茄汁😋包體方面係用咗中式嘅蒸包，咬落鬆軟，中間夾住嘅慢煮豬腩肉都份量好多，而且每塊都半肥瘦，望住晶凝通透嘅肥肉真係好邪惡😈連埋包咬落去，豬腩肉入口即溶🤤而大蔥紫蘇葉沙律解膩之餘又增添口感，完全係刺激味蕾之選❣️
🌟炸三黃雞包 $108
呢個炸雞包都好好食！😍炸雞超級大塊，而且沾滿咗黑醋醬😝食落酸酸甜甜，有啲似聿式黑醋骨嘅感覺🤣另外配有花椒沙律醬同旺菜，感覺有啲辣辣地，更加惹味！🥰
🌟薑餅人雪糕包 $68
同場加碼一定係餐廳嘅招牌甜品雪糕包😋將麵包炸到金黃色，再夾上薑味gelato同鹽味焦糖醬，食落包體好似炸饅頭同炸冬甩之間😽雪糕嘅薑味唔會好重好辣，加埋白芝麻曲奇碎🍪，食落口感好豐富，就係薑餅人嘅感覺🧡
🌟綠茶雪糕包🍵 $48
呢個綠茶雪糕係餐廳自己嘅出品，綠茶味唔算好濃，煉奶味反而比較出～
🌟𝐘𝐮𝐳𝐮 𝐌𝐚𝐩𝐥𝐞 𝐒𝐨𝐝𝐚 $58
我哋叫咗兩杯梳打，呢杯係有鮮柚子楓糖、紫蘇同海鹽💛飲落鹹鹹地，有鹹柑桔嘅感覺🤣柚子味都好出，感覺好refreshing😛
🌟𝐆𝐮𝐚𝐯𝐚𝐥𝐚𝐝𝐚 $58
呢杯有蕃石榴、熱情果、柚子梳打同加咗梅子粉～飲落比較甜，果味香啲😚但加埋熱情果酸酸甜甜咁都好好飲好解渴！
Overall呢間餐廳嘅菜式都好特別，係睇得出有心機，而且好好食🧡絕對但得嚟試🥰
加一服務費：✅
回頭率：❤️❤️❤️❤️ (5個❤️為滿分)
📍地址：小包包 (Fashion Walk) (銅鑼灣)
銅鑼灣京士頓街9號Fashion Walk 地下H1號舖
張貼
